бр. 01-74/1-1
13. 07 2026 год.
Битола
До
Совет на Општина Битола и Општина Битола -Градоначалник, Д-р Тони Коњановски
ИЗВЕШТАЈ ЗА РАБОТЕЊЕТО НА КЈП”НИСКОГРАДБА”- БИТОЛА ЗА ПЕРИОД ОД 01-01-2026 ДО 30-06-2026 г.
Битола, 13.07.2026 год.
Табеларен преглед на приходи и расходи
ТАБЕЛА НА ПРИХОДИ
| Конто | ПРИХОДИ | Остварени приходи 01.01-30.06. 2025 (3) | Остварени и предвидени приходи од 01.01-30.06 2026 (4) | Индекс 4:3 |
|---|---|---|---|---|
| 7400 | Приходи од услуги општа даночна стапка | 18.623.737,00 | 18.045.903,00 | 0.97 |
| 7401 | Приходи од услуги повластена даночна стапка | 8.375.787,00 | 6.375.827,00 | 0.76 |
| 7402 | Приходи од канализација-домаќинства | 38.789.658,00 | 26.902.970,00 | 0.69 |
| 7403 | Приходи од канализација-правни лица | 0.00 | 11.804.802,00 | / |
| 745 | Приходи од употреба на сопствени производи | 0.00 | 877.113,00 | / |
| 769 | Останати приходи од работењето | 75.678,00 | 54.580,00 | 0.72 |
| 741 | Приходи од камати | 506.444,00 | 397.570,00 | 0.78 |
| 799 | Останати финансиски приходи | 4.926,00 | 9.480,00 | 1.92 |
| Вкупно | 66.376.230,00 | 64.468.032,00 | 0.97 |
Анализирајќи ја горенаведената табела на приходи до првото полугодие од оваа година споредено со истиот период од 2025 година може да се забележи дека остварените приходи во 2026 година се намалени за 3% или изразено во бројки за околу 2.000.000,00 денари.
Кај приходите од услуги (градежни работи) по општа даночна стапка од 18% се забележува намалување од 3% или изразено во бројки за 577.834,00 денари.
Во приходи од услуги со 5% ДДВ , книжени на конто 7401, спаѓаат приходите од зимско одржување на улиците, истите се намалени за 23% или изразено во бројки околу 2.000.000,00 споредбено со првото полугодие од минатата година од причини што немаше врнежи од снег и зимската служба работеше со помал интензитет.
Од оваа година приходите од надоместок за канализација се поделени на различни конта – конто 7402 за физички и конто 7403 за правни лица, па поради тоа не постои можност за споредба со истите во 2025 год. каде овие приходи се евидентираа на едно конто.
Во првото полугодие во 2026 приходите за канализација од физички лица изнесуваат 26.902.970,00 денари и од правни лица 11.804.802,00 денари или вкупно 38.707.772,00 што е скоро идентично со износот на истите во 2025 год. Овие приходи можат да варираат во зависност од потрошувачката на вода, а се фактурира на потрошени м3 вода по мерни состојби добиени од ЈП Водовод како и од ЈП Стрежево за технолошката вода. Во 2026 година фактурирањето за извршената услуга кон корисниците по м3 одведување на води се врши по нова цена добиена од регулаторна комисија која е повисока од цената во 2025 година.
Приходи од употреба на сопствени производи во првото полугодие на 2026 година изнесуваат 877.113,00 денари.
Останатите приходи од работењето се намалени за 28 % во споредба со истите во 2025 год.
Приходите од камати во првото полугодие од 2026 година се намалени 22% и истите се однесуваат за изготвени каматни листи за правни лица како и за тужени корисници на канализациона мрежа кои обврските ги плаќаат со спогодба на рати.
Останати финансиски приходи за првото полугодие во 2026 година изнесуваат 9.480,00 денари.
ТАБЕЛА НА ТРОШОЦИ
| Вид на расход | Остварени расходи 2025 (2) | Остварени и предвидени расходи 2026 (3) | Индекс 3 : 2 |
|---|---|---|---|
| 400/401 Потрошени суровини и материјали | 6,534,602.00 | 7,550,000.00 | 1.16 |
| 402 Потрошена енергија | 2,074,862.00 | 1,808,050.00 | 0.87 |
| 408 Отпис на ситен инвентар | 271,830.00 | 44,924.00 | 0.16 |
| 410/411 Поштенски, телефонски, GPS и интернет услуги | 418,464.00 | 385,668.00 | 0.92 |
| 41390 Услуги за одржување на опремата | 1,582,641.00 | 1,283,167.00 | 0.81 |
| 414 Услуги за обезбедување на имотот | 894,500.00 | 1,022,000.00 | 1.14 |
| 415 Закупнина | 40,000.00 | 60,000.00 | 1.50 |
| 4198 Комунални услуги | 197,200.00 | 212,217.00 | 1.08 |
| Производни услуги | 2,945,005.00 | 2,557,934.00 | 0.87 |
| 41989 Услуги за читање на водомери | 618,000.00 | 618,000.00 | 1.00 |
| 41991 Услуги од агенции за вработување | 701,394.00 | 1,512,988.00 | 2.16 |
| 421 Бруто плати | 45,467,155.00 | 46,158,598.00 | 1.02 |
| 430 Амортизација | 6,000,000.00 | 6,000,000.00 | 1.00 |
| 422 Останати трошоци на вработените | |||
| 440 Дневници за службен пат | 201,013.00 | 266,324.00 | 1.32 |
| 441 Надомести на трошоци на вработените и подароци | 960,719.00 | 65,785.00 | 0.07 |
| 442 Трошоци за Управен и Надзорен О. | 356,668.00 | 396,692.00 | 1.11 |
| 417/443 Реклами, репрезентација и спонзорство | 1,174,650.00 | 519,018.00 | 0.44 |
| 445 Премии за осигурување | 829,637.00 | 913,326.00 | 1.10 |
| 446 Банкарски услуги и платен промет | 450,685.00 | 453,956.00 | 1.01 |
| 447 Даноци кои не зависат од резултат | |||
| 449 Останати трошоци од работењето | 627,653.00 | 1,019,026.00 | 1.62 |
| 4660 Отпис на побарувања | 31,262.00 | 5,319.00 | 0.17 |
| 468 Надомести на штети од дејноста | 30,810.00 | 0 | |
| 6920 Дополнително утврдени расходи | |||
| 474 Комати од работењето со неповрзани друштва | 129,304.00 | 884,947.00 | 6.84 |
| ВКУПНО: | 73,933,678.00 | 76,679,672.00 |
Анализирајќи ја табелата на трошоци во првото полугодие од 2026 година во споредба со 2025 година, вкупните трошоци се зголемени за 4 % или за околу 3 милиони денари.
- потрошените суровини и материјали се зголемени за 16 % споредено со овој вид на трошоци направени во 2025 година.
- трошоците за енергија се намалени за 13 % споредено со истите во 2025 година и истите зависат од видот на работата и цената на енергенсите.
- трошокот за отпис на ситен инвентар е намален во споредба со 2025 година за 226,906.00 денари и истиот зависи од вредноста на набавената ХТЗ опрема во наведениот период.
- трошоците за поштенски, телефонски, интернет и GPS услуги во првото полугодие од 2026 година се намалени за 8% с во споредба со наведенит период од 2025 година.
- трошоците за тековно одржување на возилата и опремата покажуваат намалување за 19% во споредба со истите во 2025 година.
- трошоците за обезбедување на имотот се зголемени за 14 % споредено со истиот период од 2025 година.
- трошоците за закупнина изнесуваат по 10.000,00 илјади денари месечно и истите се однесуваат за наплатниот центар.
- трошоците за комунални услуги покажуваат зголемување за 8%.
- производните услуги во 2026 година покажуваат намалување од 13% и истото е резултат на намалување на ангажирањето на под изведувачи во Зимска служба, заради намалениот обем на работа во истата.
- трошоците за читање на водомерите од ЈП Водовод и ЈП Стрежево секоја година се исти (12 месеци по 93.000,00 илјади денари за состојбите од ЈП Водовод и 10.000,00 илјади денари за состојбите од ЈП Стрежево),
- трошоците за извршени услуги од агенции за вработување се зголемени и изнесуваат 811.594,0000 денари за првото полугодие од 2026 година, поради зголемен број на вработени преку агенцијата за вработување.
- кај бруто платите во споредба со 2025 година постои зголемување за 2%.
- амортизацијата не е книговодствено пресметана и истата за првите шест месеци би изнесувала околу 6,000,000.00 милиони денари,
- Останати трошоци на вработените изнесуваат 843.768.00 денари и споредено со истиот период во 2025 година се намалени за 4%. Во овие трошоци влегуваат исплатени регреси, помошти, отпремнини и јубилејни награди и истите не зависат од залагањето на вработените.
- трошоците за службени патувања и другите надоместоци на вработените каде влегуваат трошоците за образование и усовршување на вработените се зголемени за околу 65.311,00 денари во споредба со истиот период од 2025 година.
- трошоците за УО и НО се зголемени за 11% споредено со 2025 година, но ваквото зголемување се јавува како резултат на задоцнето исплаќање на паушалот за 12 месец 2025.
- трошоците за реклами, репрезентација и спонзорство се намалени за 655,632.00 денари, односно за 56%. Во овие трошоци влегуваат и средствата што им се префрлаат на синдикатите за нивното тековно работење.
-премиите за осигурување на имот се зголемени за 10% споредено со истиот период од 2025 година и изнесуваат 913.326,00 денари. Оваа година во овој трошок е вклучено и колективното осигурување на вработените.
- трошоците за даноци, административни, судски и други давачки се зголемени за 261.870 денари и истите не зависат од залагањето на вработените.
- останатите трошоци од работењето се зголемени за 62 %, во овие трошоци влегува издатокот за адвокатски, компјутерски и други услуги, поради зголемен број на тужби кон физички и правни лица.
- вредносно усогласување на побарувањата значи извршени отписи на ненаплатливи застарени побарувања од физички и правни лица. Во 2026 година истите се налалени за 25.943 денари.
- дополнително утврдени трошоци од минати години се трошоци кои не зависат од работењето, односно истите се јавуваат како резултат на сторнирањето на сметки кое се врши врз основа на извештај испратен еднаш месечно од ЈП Водовод, но оваа година на ова конто се евидентирани и трошоците за бенефициран стаж за период од 2011 до 2025 на четири вработени кои со исплатата на истиот го остварија и правото за пензија. Истите се зголемени за 1.315.342,00 денари.
- трошоците за камати се зголемени за 755.643,00 денари во споредба со истиот период во 2025 година. Ова зголемување се должи на исплатата на бенефициран стаж за кој се пресметува камата бидејќи исплатата на истиот е задоцнета.
Напомена : Извештајот е изработен врз база на евидентираните трошоци и приходи во сметководствената евиденција до месец мај 2026 година и планираните трошоци и приходи за месец јуни 2026 година.
Финансиски резултат
| Од 01.01.2025 до 30.06.2025 година | Од 01.01.2026 до 30.06.2026 година |
|---|---|
| Вкупни приходи 66.376.230,00 | Вкупни приходи — 64.468.032,00 |
| Вкупни расходи 73.933.678,00 | Вкупни расходи — 76.679.672,00 |
| Финансиски резултат | |
| – 7.557.448,00 денари | – 12.211.640,00 денари |
Од погоре изнесеното се гледа дека во првото полугодие од 2026 година КЈП Нискоградба Битола покажува негативен финансиски резултат од 12.211.640,00 денари.
ПРЕГЛЕД НА ОБВРСКИ И ПОБАРУВАЊА НА 30.06.2026 ГОДИНА
| 30.06.2025 | 30.06.2026 | |
|---|---|---|
| Неплатени обврски кон добавувачи | 11.864.234,00 | 11.771.698,00 |
| Долгорочни обврски по кредити | 1.945.949,00 | 185.970,00 |
| Вкупно обврски | 13.810.183,00 ден. | 11.957.668,00 ден. |
| Вкупно ненаплатени побарува | 30.06.2025 | 30.06.2026 |
|---|---|---|
| Побарувања од услуги | 32.145.116,00 | 21.300.382,00 |
| Побарувања за канализација од домаќинства | 19.951.627,00 | 21.222.865,00 |
| Побарувања за канализација од правни лица | 32.142.408,00 | 28.718.508,00 |
| Вкупни побарувања | 84.239.152,00 ден. | 71.241.755,00 ден. |
Од прегледот се гледа дека вкупните обврски кон добавувачите за првото полугодие од 2026 година се намалени за 1.852.515,00 денари во однос на обврските за дадениот период од 2025 година. Обврските кон добавувачи се скоро идентични со обврските во истиот период 2025 година, додека постои намалување на обврските за кредити за 90 %.
Побарувањата од купувачи покажуваат намалување за 15 %.
Заклучок
Во првите шест месеци од 2026 година КЈП Нискоградба Битола покажува негативен финансиски резултат од 12.211.640,00 денари. Раководниот тим на КЈП Нискоградба ќе се ангажира кон остварување на финансиски резултат кој ќе обезбеди континуирано и непречено функционирање на претпријатието.
Изготвил: Фанче Цветковска Советник за финансова оператива
Контролирал: Наташа Стојановска Помошник директор за финансии и правни работи
Директор на КЈП „Нискоградба“ Битола
Зоран Талевски
